أكثر الاماكن زيارة في اسطنبول
أكثر الاماكن زيارة في اسطنبول: يوجد الكثير في مدينة اسطنبول ISTANBUL من الاماكن الكثيرة التي تستحق الزيارة والتي يقصدها الكثير من السياح ولكن هنا سوف اذكر اهم هذه الاماكن وطريقة الوصول إليها عبر الباصات ووسائل النقل العامة.
قائمة أكثر الاماكن زيارة في اسطنبول
نقدم لكم سرح مفصل حول أشهر وأفضل الاماكن في مدينة إسطنبول، وهي كالتالي:
شاطئ شيلا
في الجزء الاسيوي من اسطنبول.
الموقع الجغرافي: شاطئ شيلا.
فيها شاطئ للنزول، وصخر بالمي، وهي صور الها.
- مشان توصلا اركب لاوسكودار، ومن هنيك باص 139 او 139A.
- الباص ب 10 ليرة، بس اول ما توصل احجز للرجعة بسرعة لانو الباصات محدودة.
جزر الاميرات Adalar
وهن 9 جزر موجودين في الجزء الاسيوي من اسطنبول، مكانهم ع الخريطة.
الموقع الجغرافي: جزر الاميرات.
ما فيها شاطئ للنزول، بس مكان للجلوس علي البحر، او يلي بحب يطلع ع الجبال هنيك غير الرحلة البحرية الحلوة ع الطريق الها، وهون صور الها.
- مشان توصلا بتروح كاباتاش اخر خط الترام، وبتاخد من هنيك سفينة اللي بتروح Adalar اللي هي الجزر بالتركي، السفينة ب 6 او7 ليرة، بس مواعيدها قليلة باليوم.
- او خد المتروبوس لاخر محطة سويوتلوتشيشمي، ومنها خود اتوبيس رقم 4 اللي بيروح لاخر محطة اللي هي بوستانجي , وهي مسارو.
- ومن هنيك بتلاقي كل ربع ساعة سفينة رايحة ع الجزر، وب 2 ليرة ونص.
قصر طوبكابي Topkapi Palace Museum
وهو من أجمل متاحف تركيا.
موجود في منطقة السلطان احمد في اسطنبول الاوروبية , مكانو هون.
الموقع الجغرافي: قصر توبكابي.
وفيه كمية كبيرة من الاثريات التركية و الاسلامية، بدو 3 ايام لحالو مشان تخلصو , وهي صور منو.
- هي الموقع الخاص بالمتحف. http://topkapisarayi.gov.tr/en.
- المتحف اجازة اول يوم العيد، بعدها بيفتح، التذكرة ب 40 او 65 ليرة، حسب الاقسام اللي رح تشوفوها، والمواعيد من 9 صباحا ل 7 مساء.
- مشان تروحو بتركب الترام لمحطة سلطان احمد، وامشي ورا جامع السلطان احمد علي طول.
متحف مينيا تورك Miniaturk
- متحف كبير، فيه نماذج صغيرة لكل الاماكن الاثرية في تركيا وبعض الاثار في العالم.
- هي مكانو , في منطقة باياوغلو.
- الموقع الجغرافي: مينا تورك.
- مشان تروح هنيك , اركب المتروبوس لمحطة اوكمايدان , وخود تاكسي قوله مينياتورك.
- او من امينونو فيه كزا اتوبيس بيروح هنيك متل 47 , 47E , 47C.
او من تقسيم رقم الباص 47. - التذكرة ب 10 ليرة، والمكان بيطل علي الخليج مباشرة.
حديقة يلديز Yıldız Park
- حديقة روعة، فيها غابات وشلالات وبحيرة.
- وهي صورها.
- وهي مكانها في منطقة بشيكتاش.
- الموقع الجغرافي: حديقة يلديز.
- لو بتروح بالمتروبوس , انزل بمحطة زينجيرليكويو, اخر محطة في اوروبا، وخود تاكسي عليها دغري.
- او خود الترام لاخر محطة فيه، كاباتاش , وخود اي باص رايح لاورتاكوي وبتنزل بمحطة YAHYA EFENDİ.
- وبتتمشي شوي.
- الحديقة روعة، وبتستاهل تقعد فيها اليوم كلو من غير ما تمل.
شاطئ كليوس Burc Beach
- شاطئ جميل علي البحر الاسود، هاد مكانو.
- الموقع الجغرافي: شاطئ كليوس.
- فيو شاطئ لنزول المياه، وكافيتريات ومطاعم سمك.
- مشان توصلو خود مترو تقسيم لاخر محطة، اللي اسمها حاجي عثمان، ومنها خود باص 151 , وهاد مسارو.
- وانزل محطة. KİLYOS MERKEZ.
- وهي صور للشاطئ.
ساحل وشاطئ فلوريا Florya Güneş Beach
- موجود بين فلوريا و جينيت محاليسي , هون بالظبط.
- الموقع الجغرافي: شاطئ فلوريا.
- المكان هاد مافيو نزول للمياه، صخور للجلوس بس، ولو بدك تنزول للمي في جنبو, في شاطئ مينيكشي هون.
- مشان توصلو, اركب المتروبوس لمحطة كوتشوكتشيكميجي, او جنيت محاليسي, و منها امشي شوي او خود تاكسي.
- والمنطقة مشهورة بالشوي, و العجل و الباتيناج.
شاطئ ريفا Riva Beach
- مكان جميل , علي البحر الاسود في اسطنبول الاسيوية , وهو مصب لنهر تشاياجيز في البحر الاسود.
- الموقع الجغرافي: شاطئ ريفا.
- مشان توصلو , اركب من كاديكوي , او من متروبوس اوزونتشاير اتوبيس 15BK.
- وانزل محطة SU ÜRÜNLERİ.
- ومنها خود اتوبيس 137.
- وانزل محطة RİVA.
غابات بلجراد Belgrad Forest
- من اكبر غابات اسطنبول، موجودة في منطقة باهتشيكوي، جنب سارير في اسطنبول الاوروبية، هي مكانها
- الموقع الجغرافي: غابات بلجراد.
- مكان رائع انك تقعد اليوم كله هنيك، غابات حقيقية، و بحيرة جميلة.
- مشان توصلا، اركب لباشيكتاش، ومنها خد اتوبيس D2، اللي بيطلع من باشيكتاش و بمر على محطة متروبوس زينجيرليكويو ، و منها لغابات بلجراد.
اقرا المزيد:
